ul
ايرحم ربي سيدي حمو طالب باب نومارك إينا
إلا أوزمز ح ياكا يان إلا أوزمزان ح إيقاي
إلا أوزمز ح يوف أومداكل ف ربي كَماتون
الموت شكرح إربي لكمي كان دلملك
ملا تكَيت بنادم سلان إجميلن دواوال
إيكَا الصبر وين ربي ربي وين ويلي صبرنين
إيح إصبر يان كيكَان دالمال دو أوجميل أسد إيفال
إيكَا الصبر غمكلي إيكَا لحرير أورسار إيبري يان
أح إيح إيصبر يان إيكَار بنادم ذنوب أدروران
أور نسامح إيوالي إغزان لساس امد اللوح
إيرار وينو س أوكَنس إيراري س برا بضوناح
إيويحكمد أتيميلا فلح الباز إيسكم ريح
أوضنح تاسانو تياكَاس أضبيبان ديويح
إينايي سمامي ف ربي أور داري دوا نون
أكم أور إيلوح ربي أ الشهوةنو ف كَينوس
إيح توسيح إيكَا كَينوس إيح تنسرس كَينوس
زوند يان يوفان أمسمار نتسيلا جلوناس
أور يادلي يوفا يات أوراس إيجلا يات
العقل أيْسكارن تاووري إيحد إيحاضر إيان
العقل أيْمنعان إيحاك إيدروس أورد المال
أما المال إلا س أورطال إحت ياد إيعدم يان
إيح إيعدم يان أريتاسي الهم إيتكَاليت
إيح إيكَن أورعم أتيتعبار يان إيولكَامو نس
أما إيح إبد أر إيسملالاي ويس سايكَنوان
أراح تكات تاكَات ن يان أح يوفن صبرناح
اللوح المحفوظ أح لكمح أنكَن زوند أرعم
ملات كيس أور لكمح سيلا أوكرتيل د لحمل
لرزاق إينو كَان إيبوكَاضن أورار كَمرن
لرزاق نواكال أدميارح أما و يكَنوان
إيح يين كَيس لان أربي زوكَزيتند س أكال
أور أيفال يان أيتماس إمحبو د ويياض
أورا إيخلو يان أيتماس إبنو تيقبيلين
اك إرحمي ربي أسيدي حمو طالب امارك إيلان لمعنى اد تفلت
tanmirt